စစ်မှန်တဲ့ တိုးတက်ပြောင်းလဲမှုတွေကို ဖန်တီးနိုင်ဖို့ သင့်မှာ လိုအပ်နေတဲ့အရာ ၂ ခု ရှိတယ်။

ပထမတစ်ခုက သင့်ကိုယ်သင် ဦးဆောင်နိုင်ဖို့ဖြစ်ပါတယ်။

သင့်ကိုယ်သင် ဦးမဆောင်နိုင်ပဲ တခြားသူတွေကို သင်ဦးဆောင်ဖို့ မဖြစ်နိုင်ပါဘူး။ အဲဒီလိုပဲ သင့်ကိုယ်သင် ဦးဆောင်နိုင်ဖို့အတွက် သင့်ရဲ့ အရည်အချင်းတွေတက်လာအောင် လေ့လာသင်ယူမှုတွေလည်း လုပ်ဆောင်ဖို့ လိုပါတယ်။

ဒုတိယတစ်ခုကတော့ အခြားသူတွေကို ဦးဆောင်နိုင်ဖို့ ဖြစ်ပါတယ်။

ကမ္ဘာပေါ်မှာ ဘယ်လိုကြီးကျယ်ခမ်းနားတဲ့ လုပ်ဆောင်ချက်မဆို တစ်ဦးတည်းလုပ်တယ်ဆိုတာ မရှိသလောက်ပဲ ဖြစ်ပါတယ်။ သင့်အနေနဲ့ ရလဒ်ကောင်းတွေကို ဖန်တီးချင်ရင် သင်တစ်ဦးတည်း အကြီးအကျယ်ကြိုးစားတာထက် သင့်ပတ်ဝန်းကျင်မှာ ကူညီပံ့ပိုးပေးမယ့်သူတွေ လုံလုံလောက်လောက်ရှိဖို့နဲ့ သူတို့ကို ဦးဆောင်နိုင်ဖို့ လိုအပ်ပါတယ်။

—— သင့်ကိုယ်သင်ရော အခြားသူတွေကို အဲဒီလို ဦးဆောင်နိုင်တဲ့သူ ဖြစ်လာအောင် လုပ်ရမယ့် ခရီးစဉ်ဟာ အရမ်းကို ရှည်လျားပြီး ပြီးဆုံးသွားတယ်ရယ်လို့ မရှိပဲ ကျွန်တော်တို့ ဘဝတစ်လျှောက်လုံးမှာ လုပ်ဆောင်သွားရမှာ ဖြစ်ပါတယ်။ ကျွန်တော်တို့ဘဝမှာ မသိသေးတာတွေ သိလာဖို့ဆိုရင် သိတဲ့သူတွေဆီကနေ လေ့လာရပါတယ်။ Mentor ဆိုတာ သူ့အတွေ့အကြုံတွေနဲ့ရင်းပြီး သူသိထားတဲ့အရာတွေကို မသိသေးတဲ့သူတွေကို မျှဝေတာဖြစ်ပါတယ်။ အဲဒါကြောင့် ကျွန်တော်တို့ ဘ၀ Mentor လို့ တိတိကျကျ မသတ်မှတ်ဖြစ်သော်လည်း လေ့လာသင်ယူခွင့်ရခဲ့တဲ့သူတွေအများကြီးရှိခဲ့ကြတဲ့အတွက် အခုလောက်အခြေအနေအထိ တိုးတက်ပြောင်းလဲလာတာဖြစ်ပါတယ်။ နောက်ထပ်အပြောင်းအလဲတွေ ဖန်တီးနိုင်ဖို့အတွက်လည်း အဓိကကျတဲ့ နယ်ပယ်အသီးသီးမှာ Mentor တွေ လိုအပ်မှာ ဖြစ်ပါတယ်။

ဒီ J2L Mentorship အစီအစဉ်လေးမှာတော့ ခေါင်းဆောင်မှုအရည်အချင်းကို ဖွံ့ဖြိုးတိုးတက်လိုသူများအတွက် အမေးအများဆုံး ခေါင်းဆောင်မှုမေးခွန်းတွေကို စုစည်းပြီး ကိုနိုင်လိုမွန် (Business & Executive Coach) က မေးမြန်းပြီး ကိုနိုင်ဝင်းအောင် (Business & Executive Coach) က ပြန်ဖြေပေးထားတဲ့ Q & A Section အပိုင်း (23) ပိုင်း ပါဝင်ပါတယ်။ အဲဒီဖြေကြားချက်တွေကို နားထောင်ပြီး သင့်ကိုယ်သင်နှင့် အခြားသူတွေကို ပိုပြီး ထိထိရောက်ရောက် ဦးဆောင်လာနိုင်ဖို့ သင့်အနေနဲ့ ပြင်ဆင်လာနိုင်မှာ ဖြစ်ပါတယ်။